Ta ce parla elefen !

Me ia deside de crea la filo considerante ce no ia esiste ancora. Tota de vos veni parla elefen !

Spoiler:

DOMAN, A LUS PRIMA
par Victor Hugo

Doman, a lus prima, blanci la campania,
Me va parti, me sabe ce tu espeta.
Me va crusa foresta, crusa montania,
Me no pote resta distante, me freta.

Me vade, l'oios fisante me pensada,
Vide cosa, oia ruido, me no pote,
Nonconoseda e la dorso jibada,
E la dia per me es como la note.

Me an no regarda cade l'oro seral,
La velas distante cual vade a Harflor,
Arivante, pone sur tu petra tombal
Un buce de ilex e caluna en flor.

Per ci parla espaniol:

LA REVENI A LA DES-SETE
Par Violeta Parra

Reveni a la des-sete
pos vive ja un sentenio
es como desifri senias
sin es saja, competente,
redeveni surprendente
tan frajil com' un secondo,
reveni a senti profonda
como, ante Dio, l'enfante,
esta es cual me senti stante
en esta tan fertil momento.

Lo vade torsente e torsente,
como en la mur la edera,
lo vade jermente e jermente,
como la mos en la petra,
como la mos en la petra,
ai! si si si

Me paso retrosedida
e lo de vos avansada,
la arco de la aliadas
ia penetra en me nido,
e lo, tota colorida,
ia pasea tra me venas,
e asta la dur cadena
con cual fisa la destina
es como la calma lumina
de un diamante en se rena.

Lo vade torsente e torsente,
como en la mur la edera,
lo vade jermente e jermente,
como la mos en la petra,
como la mos en la petra,
ai! si si si

Esta cual la senti pote,
no ia pote la conose,
e no la plu clar diagnose,
e no la plu larga mente,
tota cambia la momento,
como un majiste egosa,
lo dulse distanti nos
de odia e de violentia,
sola l'ama con se siensa
fa nos es tan inosente.

Lo vade torsente e torsente,
como en la mur la edera,
lo vade jermente e jermente,
como la mos en la petra,
como la mos en la petra,
ai! si si si

La ama es un vortis
de puria orijinal,
an un feros' animal
xuxa se canta a la cores,
reteni peregrinores
e libri la prisonida,
la ama curante fa
un vea deveni xica,
sola la ama fa malia
deveni virtua e sinseria.

Lo vade torsente e torsente,
como en la mur la edera,
lo vade jermente e jermente,
como la mos en la petra,
como la mos en la petra,
ai! si si si

Como encanta, la cortina
ia abri completa, subita,
la ama ia entra vestida
com' un tepida matina,
a se bela sona de svelia,
ia fa brota la jasmin,
a la siel' com' un serafin
vola pone orealetas,
e me anios a des-sete
ia converti la cerubin.

Lo vade torsente e torsente,
como en la mur la edera,
lo vade jermente e jermente,
como la mos en la petra,
como la mos en la petra,
ai! si si si


Tu ama poesia ?
Me si ama lo plu ca prosa.

Doman (soldi) la parlamento a Brasilia va vota afin deside si o no va aseta depone Presidente Dilma. Los va nesesa du tris de votas de representantes a la parlamento per susede la colpa de stato...

Statos Unida ia demanda ce Rusia ta sesa se atacas a teroristes muslim afin no impedi la negosia de sesafusili...

La tro multe stupida ministro xef de Frans en visita ofisial a Jazair ia dise ce la Presidente jazairi es tro multe vea...

Un dormi pasosa!

Est complicate parla Elefan?

Lingua franca nova es fasil comprendable : http://lfn.wikia.com/wiki/La_prinse_peti/0

On pronunsia la letera C sempre como [k].

Es un de la linguas la plu fasil de la mundo, e nondutable la plus fasil de la linguas romanica

Novas de la mundo, simple reportada en elefen -> http://aoraoji.blogspot.fr/

Citation :

2016-04-18 Miles marxa tra Bruxelles contra teror e odia

A la min sete mil persones ia marxa sur la stradas de Bruxelles per protesta "contra teror e odia".

A la fronte de la prosegues ia es alga de los afetada par la atacas resente de bomba umana a la airoporto e stasion de metro cual ia mata 32 persones.

Un difusor beljes ia descrive la protesta como "calma e silente".

LlenguaPuerchîsca a écrit:

Est complicate parla Elefan?

Sole Elefanto esas plu fasila...

http://lfn.wikia.com/wiki/Elefanto

me prefere la elefen

Djino a écrit:

me prefere la elefen

Me gusta sabe lo.

Ma, entre elefanto e esperanto ? :-p

Sevetcyo a écrit:

Ma, entre elefanto e esperanto ? :-p

Me no sabe... Esperanto es noiante ma pratical. Elefanto ia es sola un projeta e lo nesesa es plu perfetida. Lo ia intende coreta (a la min mostra...) problemes en ambos linguas...

Patrick, cual tipo de bonis tu vole vide en elefen?  Me interesa en tu opinas.  Como me ia dise en la foro ala, me jua ance un poca per vide cual tipos de bonis esiste, ma per la plu car me gusta jua.  ;-)  Tu pote vide me esperimentas a: http-elefa-reddit-com (me no pote ajunta la puntos asi car me es nova.)

( http://elefa.reddit.com/ )

https://www.reddit.com/r/elefa/comments/4a5l63/what_is_elefa/

English elefen elefa
my me mea
yours tu tua
his se ila
hers se lea
(gender neutral 3rd person singular possessive) se sea
one's se ona
its se loa

elefen elefa
Me ia ave Me u ave

Esta propones no es nova. Los ia es fada ja longo la construi de elefen, par G. Boeree en la comensa...

Esce vos ia oia ja me elefanto (asi a l'atelier e a la vici de lfn) ? Lo presenta me ideas sur esta caso tra un misca con esperanto... Ma ave otra vias...

Si, me sabe ce la sujesta no es nova -- en fato, lo ia es Simon ci ia refere los en un discuta (sin la "u" per la pasada.) Me gusta jua con los, me trova los multe esata.

La esatia no es cual los serca a plu ma si la salva de recursos.

Me vide en elefen un tende a ce ave ajetivos cual fini con a, donce mea, tua pare natural, ma, triste (o felis?), on no pote jenerali la finis seguente la categorias gramatical... Ave ance un tende a ce la verbos fini con i (en caso de muta un ajetivo o sustantivo a un verbo, esta fini sempre con i...).

Ia es partinte de acel ce me ia pensa a la elefanto, vadente plu prosima a un sistem esperantin... (probable tro multe...)

Me ta prefere un sistem como esta cual segue:

me > mea
tu > tua
il > ila
el > ela
iloel > iloela
lo > loa
nos > nosa
vos > vosa
iles > ilesa
eles > elesa
los > losa
se > sea

---


LA DORMINTE DE LA VALE
par Arthur Rimbaud

Es un buco verde do cant' un rio fol
Suspendent' a la erbas stofas de arjent',
Do brilia de montania orgulos' la sol;
Es un vale cual spuma de raios plasent'.

Un soldat', la boc' abrida, la testa nud',
E la nuca banint' en la cresones blu,
Dormi: reposante entre erbas e nub',
Pal en se leto verde do pluve la lus.

Pedes en gladiolos, el dormi surient'
Como un enfante malada, pasient'.
Natur, tepidi se cuna tro fresca!

La parfumes no fa se narinas tremet'
El dormi en la lus un mano sur la pet',
Cuiet', du foras roj' en se lado destra.

Me oserva ce, en la mundo de la linguas aidante, on aida otra parla un lingua diferente...

Me trova la idea interesente sur ave finis regular per sabe cual tipo de parola los es, lo es un de la razonas perce me vole studia la Ido (cuando me ave bastante tempo...), ma me no senti *tan* compulsada (an con me desiras per esatia) per altera la vocabulo de elefen. Ma, me interesa en tu "elefanto," si tu ta construi un poesia en lo o otra tipo de cosa scrive afin me pote leje lo, acel ta es diverti.

Tu ia vade ja a http://lfn.wikia.com/wiki/Elefanto ? ala ave alga...

La prea de nos Senior en elefen:

Nos Padre ci es en la sielo,
Ta ce tu nom es santida.
Ta ce lo tu rena veni.
Ta ce lo tu vole aveni
sur la tera como en la sielo.
Dona oji nos pan dial a nos,
e pardona nos detas,
como nos pardona nos detores,
e no condui nos a tenta,
ma libri nos de malia.
Car la rena, la potia,
e la gloria es sempre de tu.
Amen

ta ce poca fronsi me pelos e lo ante la pronomes de posese es un creada resente...

An con me dutas relatante alga puntos, me pensa ce elefen es la projeta plu bon de lingua aidante.
Ci ia studia lo pote veni asi per discute e pratica lo !

Con relata a la ido refereda a supra, me opina ce lo no es plu bela ca esperanto ma si plu complicada...

Aora vos ves!

Me acorda ce elefen es gloriosa, me crede ance ce lo ta es un eleje bon per un lingua aidante en la mundo. Me nesesa esplora ance Ido per sabe cual tipo de regulas lo ave (lo cual la popla trova es tro complicada ca nesesada.)

Ido pare a me un jenero de lingua cual, volente es plu bon, susede es plu torpe... Ma no cosa sustitui un esperia propre...

Me pone asi un discute a la vici de lfn cual fa me deside abandona lo:
(Je vous mets ici une discution sur la wiki de lfn qui m'a poussé à abandoner cette langue)  

La problem es con ja cual ave du sinifias: en la pasada / ante lo espetada e no vade bon per espresa la aspetas nonperfeta / perfeta, cual elefen no ave.... Cuando me dise : me ia parla ja, on no sabe si la sinifia es I had spoken (ante acel tempo) / I spoke already (ante alora) / I have spoken already (ante aora)... Esta es la problem xef de elefen...  La confusa veni de engles, cual es un lingua confusante e esta distanti persones interesada ... Si elefen es un lingua per parlores de engles, lo no es usosa. Tota la linguas cual me conose ave espetas perfeta e nonperfeta... Me ancora no conose la sinifia de me parla ja. Me suposa ce lo es presenta, ma seguente la model lo ta deve es pasada...Patric

En la pratica real de elefen, "ja" no indica la aspeta perfeta. Lo sinifia mera "ante acel tempo" o "ante esta tempo", e on sabe de la contesto esce on parla sur la pasada (acel tempo) o la presente (esta tempo). "Me ia come" pote es o perfeta o nonperfeta, como "mi manĝis" en esperanto. Si on vole asentua la nonperfetia, "me ia es comente" es disponable. "Me (ia/va) come ja cuando tu (ia/va) ariva" indica ce la come intera (ia/va) presede la ariva. Lo es no plu complicada ca esta. (En me usa personal, "ja" ave ance un usa spesial per clari un ata cual ia comensa en la pasada e continua ancora: "aora, me parla ja elefen tra oto anios", "en 2012, me ia parla ja elefen tra cuatro anios". Me no sabe esce cualcun otra usa "ja" en esta modo pico idiomal.)Simon

Me pote edita la documento ce me ia crea, me ia vole simple asembla alga esemplos sur la metodos diferente disponible per esplica un idea, e me ia usa termas de gramatica cual ia pare a me coreta, ma me no es noncapas de era. ;-)  Brian

Me crede ance ce la contesto gida en la plu de situas, si on dise en elefen:  "Cuando tu ia telefoni me, me ia come ja" en esta contesto, la "ja" no es nesesada ma lo asentua la aspeta de aveni ante la ata de telefoni, donce un poca como un tempo de "pasada perfeta."  Brian

me no comprende tu comentas, patric. como multe linguas, spesial creoles e pijines, lfn no ave un forma per perfeta. ma on pote prosimi la idea par usa parolas como "ja". lo no ave cualce relata a la "confusa de engles". posible tu ave un odi de engles nonrazonante o political? asi es alga esemplos de la usa de "ja": jorj

I can't believe you've already finished your cake.
Je ne peux pas croire que vous avez déjà fini votre gâteau.
No puedo creer que ya te hayas terminado el pastel.
Non è possibile, hai già finito la torta.
No puc creure que ja hagi acabat el seu pastís.
Me no pote crede ce tu ia fini ja tu torta.
ante aora:
I have already been to Paris.
Je suis déjà allée à Paris.
Ya he estado en París.
Sono già stato a Parigi.
Eu já estive em Paris.
Ja he estat a París
Me ia vade ja a Paris.
ante alora:
She was already married when I met her.
Elle était déjà mariée lorsque je l'ai rencontrée.
Ella ya estaba casada cuando la conocí.
Era già sposata quando l'ho conosciuta.
Ela já estava casada quando a conheci.
Ella ja estava casat quan la vaig conèixer.
El ia sposi ja cuando me ia conose el.
Nota ce "me parla ja" ta es un bon responde a la demanda "esce tu parla ja?", simil a "me es parlante".

Simon, esperanto ave la mesma problem car se parlores no usa la aspeta perfeta (me estis/as/os/us/u parolinta/anta/onta / me parolint/ant/ont/is/as/os/us/u"... Car la esperantistes usa lo como un lingua aidante e no propre, los senti no nesesa vera... Per esta razonada me ia dise ce me conose no lingua sin aspetas perfeta/nonperfeta, car ance esperanto ave los... Patric

Me aseta tu punto, ma como tu mesma dise, lo pertine a la teoria pur de esperanto e no a se pratica comun. Simon

Jorj, ce me ave o no un odi de engles es otra tema cual no veni asi. Ce algun ave un odi de lingua es strana, no? Me parla sola de lo me nesesa ave aspetas per parla clar. Creoles e pijines no es linguas plen e no person va vole aprende un creol per lingua aidante internasional... Ci parla toki pona? An engles no es un lingua clar. An portuges de Brasil deveni un lingua nonclar. Cisa elefen no ave esta aspira...
"Me no pote crede ce tu ia fini ja tu torta." = you have (already) finished / you had (already) finished...? Patric

Esta esemplo es strana. Perce on ta vole dise "I cannot believe [presente] that you had finished your cake"? "Had finished" refere a un tempo plu pasada cuando on raconta sur la pasada. La tempo de la contesto clari entre "have finished" e "had finished". Simon

me no comprende tu comenta. Lo sinifia ce me es surprendeda par la fato ce tu ia fini tu torta tan rapida. la frase en engles usa "have", no "had".
Esata. Me ia comenta ce "had" es strana en acel frase. Tu trova ance ce lo es strana, car lo debe es "have". Donce la ambigua cual disturba Patric no esiste. Simon

Je n'arrive pas à croire que tu avais (dèjà) fini... (en comenta de un nara!)  "Me ia vade ja a Paris." = I already went / I have (already) gone / I had (already) gone...? Patric

Esce tu desira mera un modo de clari la difere entre "I went" (un ata pasada, "mi iris") e "I have gone" (un state presente, "mi estas irinta")? Nun en esperanto dise "mi estas irinta", ma la comunica e leteratur funsiona sin problemes en acel lingua. En elefen, on ta pote dise "me es pos vade" si on nesesa vera espresa "mi estas irinta". Ma la parola "ja" no pertine a esta. Simon

Tu confirma esta cual me dise: [fr] j'allais, je suis allé, j'étais allé [pt] Eu ia, fui, tinha ido/fora [es] yo iba, he ido/fui, habia ido/fuera... Patric  

"El ia sposi ja cuando me ia conose el." = He or she was / had (already) been / got married when I knew him or her ( = quand j'ai fait sa connaissance / quand je le/la connaissais)...?
Me comprende ce on usa averbios ma estas ave du usas ? E la resulta es nonclar e an torpe... Patric

Nos no obliga tu a usa elefen si tu judi ce lo es un caos nonremediable ;-) Simon

no comenta... Patric

En conséquence, je prends le résolution de renoncer aux langues qui ne me satisfont pas pleinement et dont les défenseurs ont envers mes critiques une attitude hostile (lingua franca nova, esperanto)l, ainsi qu'à mes propres langues, à l'exception du yolik, qui devient de facto l'objet principal de ma participation sur le présent forum...

Il serait intéressant que les partisans d'une langue construite auxiliaire de ce forum s'efforcent de converger vers un projet commun, bien cela me semble assez irréaliste, d'autant plus que je n'ai moi-même guère manisfesté d'intérêt pour les projets des uns et des autres...